Tokoni ki he Lea-Fakatonga ki he kau nofo ‘i Maui
ʻOku ʻi heni ʻa e Pacific Gateway Center ke poupouʻi koe ʻi hono toe langa hake moʻui. ʻI heʻene hoko ko e Senita Ma’u’anga Tokoni ki Maui ni, ʻoku tukupa ai ʻa e timi ʻa e Pacific Gateway Center ke fakamalohia ʻae kumifonua ʻi Hawaiʻi ni, kau ai ʻa e kau hikifonua, kau kumi hufanga, mo e ngaahi feitu’u kehe ne tukuhausia.
ʻOku mau tokanga taha ki hono tokoniʻi ʻo kinautolu ʻoku ʻikai kenau mahino’i ‘ae lea Faka-Pilitania ke toe langa hake ʻenau moʻui ‘o fakafou ‘i ha ngaahi ma’u’anga tokoni lahi. ʻOku mau fai ha tokoni mo ha poupou ʻo fakafou ʻi he kau keisi menesa ‘i he lea kehekehe, kau fakatonulea, mo e kau liliu lea, te nau lava ʻo fakafehokotaki koe ki he ngaahi maʻuʻanga tokoni ʻoku ke fie maʻu. ʻOku kau ʻi he’emau ngaahi tokoni ʻa e:
Nofoʻanga mo e nofoʻanga fakataimi
Nofo totongi mo e ʻuhila
Meʻakai
Tokoni fakapaʻanga
Moʻui leleí, meʻa fakafaitoʻo, mo e nifo
Tokoni Fakaeʻulungaanga, fakaʻatamaí, mo fakaeloto
Mo’uilelei Fakafamili
Fetongi ʻo e ngaahi me’a fakapepa
Ngaahi tokoni fakalao
Fakatonulea mo e liliu lea
Ngaue, ngaue maʻuʻanga moʻuí, mo e ngaahi tokoni fakapa’anga
Maluʻi taʻemaʻu ngaue
Liliu fakasosiale
Tokoni ki he fanga monumanu
Pea toe lahi ange!
Telefoni ki he Hotilaine ki he Ngaahi Lea Kehekehe
1 (808) 518-6217
ʻOku mau ʻoatu ha Hotilaine he Lea Kehekehe kau ai ‘ae Lea- Fakatonga, pehe ki he Tagalog, Ilocano, Marshallese, Chuukese moe Lea Faka-Sipenisi. ʻOku mau tapou atu, kihe Komuiniti ‘ae Kainga Tonga ‘oku nau nofo ‘i Lahaina, ʻoku ‘ikai mahino ‘ae lea Faka-Pilitania, ke mou fetu’utaki mai kia kimautolu ʻi he hotline ko ʻeni. Kapau ʻoku ke ʻiloʻi ha taha ʻe ʻaonga kiai ‘emau tokoni, kataki ʻo ʻave ʻa e fakamatala ko ʻeni kiai. ʻOku mau mateuteu ke tali ho’o Telefoni ʻaki e aloha mo e poupou. ʻOku mau ʻi heni maʻau!
’A’ahi kiho mau ‘Ofisi
Ko homau ‘Ofisi Ma’u’anga Tokoni ‘i Maui ‘oku tu’u ia he J. Walter Cameron Center, 95 Mahalani Street, Fale 3, Loki 13, Wailuku HI 96793. ‘Oku mau ava he Monite kihe Falaite mei he 8:00 a.m.- 4:30 p.m.
‘Oku ‘i heni ‘emau kau keisi menesa ke vahevahe ha ngaahi ma’u’anga tokoni ki he kau hikifonua, ʻo kau ai ʻa e ngaahi tokoni fakalao, tokoni fakaimikuleisini moe fetongi ha ngaahi fakamatala fakapepa mahuʻinga, fakafetu’utaki ki ha ngaahi tokoni ki he ngaahi fakatamaki, fakafetu’utaki ki he ngaahi tokoni sosiolo sevesi, fakafetu’utaki ki ha tokoni ke fakafonu pe fakahu ki ha ngaahi me’a kihe mo’uilelei, mo ha ngaahi tokoni kehe pe.
Telefoni ki he 1 (808) 633-4132 ke seti ha’o ʻapoinimeni pe fehuʻi fekauʻaki mo ‘emau sevesi fakataautaha. ʻOku mau ʻamanaki atu ke vave ni ha’amau tokoniʻi koe!
Fekau’aki moe Pacific Gateway Center
Koe ta’u ‘eni ‘e 50 ‘ae fai Fatongia ‘ae Pacific Gateway Center ki he Komiuniti Hikifonua ‘a Hawaii ni, ki he ngaahi fiema’u kau kiate kinautolu ‘oku ‘ikai mahino ‘ae Lea- Fakapilitania lolotonga e ngaahi taimi faingata’a, ‘o fakafou ‘i he ngaahi hoa ngaue moha kau tokoni tokolahi. Keke ‘ilo lahiange kihe fakamatala moe talanoa kau kia kimautolu ‘i heni.