Áninnis Fán Iten Chón Maui Fósun Fénúer Chuukese

Pacific Gateway Center epwe ánisuk ne otufichisefánni manawom. Ach ewe kúmiin Pacific Gateway Center a kewis ngeni Maui an epwe ánisaatá ekkewe mi kúna osukosuken nónnómun manawer nón Hawai‘i, pachonong ekkewe chón ekis re etto pwe repwene nómónó ikeei, ekkewe re sú seni fénúer ren maun, riáfféúmwáán, taifun me metekkan, me pwan ekkewe ekkóch chóchóón aramas mi pwan katowu seni neenier ren och popun me wewe.

Aúa kan ánisi ngeni ekkewe mi weires ngeniir fósun Merika chómmóng sókkun áninnis pwe repwe tongeni otufichisefánni manawer. Mi wor néúch case worker, chón afféúni fós me chón chiyakú mi fósun Merika pwan fósun fénúom repwe tongeni ánisi ngonuk ekkewe sókkun áninnis ke niit. Ekkena sókkun áninnis ra pachonong:

  • Housing me shelter

  • Méén rent me kónik, phone, fifi me metekkan

  • Mwéngé

  • Áninnisin mooni

  • Pekin nónnómun péchékkúnen inisich, pekin sáfei, me pekin aisa

  • Áninnis ngeni ekkewe mi wor ar osukosuk nón mékúrer, mi wor terir, ekkewe mi éúrek me semwenin letipechou me rese meefi pwe iir mi aúchea

  • Nónnóméchún me péchékkúnen ewe famini

  • Siwiniin aúchean taropwe mi péútúnó

  • Áninnisin pekin énnúk

  • Aféúwún fós me chiyakú

  • Óm angang, óm neenien angang, me áninnisin pekin mooni

  • Insurens iká áninnis fán iten ekkewe e péút seniir ar angang iwe rese chúen angang

  • Achas ngeni siwininóón nónnómum me nónnómun ewe neeni ke nóm ie

  • Áninnis fán iten ekkewe maan

  • Me pwan ekkóch!

Kékkééri Nampaan Ewe Hotline

1 (808) 518-6217

Ena hotline mi kawor nón fósun Chuuk pwan fósun Tagalog, Ilocano, Maasan, Spein, me Tonga. Aúa pesei meinisin chón Lāhainā mi eáni fósun Chuuk me weires ngeniir fósun Merika ar repwe kékkéérikich wóón ena nampaan hotline. Iká ke sinei ié mi niit ám áninnis, kese mochen ereni ussun ei hotline.

Aúa monnotá fiti aloha ngeni óm kopwe kékké. Aúpwe fókkun ánisuk!

Chuuto Ren Ach Ofes

Ach ofes Maui e nóm J. Walter Cameron Center, 95 Mahalani Street, Building 3, Room 13, Wailuku HI 96793. Kich mi suuk seni Sárinfán ngeni Enimu kunók 8:00 a.m. - 4:30 p.m.

Néúch kewe case manager repwe ánisi ngeni ekkewe esap iir púkúpúkún chón Hawai‘i néúr taropwe aúchea mi fiti pwúngún énnúk, siwiini néúr taropwe aúchea mi péútúnó, sókkun áninnis ren osukosuken taifun me metekkan, kútten áninnis ren housing, pekin sukun, pekin sáfei, me pwan ekkóch.

Kékkééri 1 (808) 633-4132 ren óm kopwe ffér óm appointment iká kapas eis wóón sókkun áninnis sia kan ánisi ngeni chón chuuto. Aúa fókkun mwonnotá ne ánisuk!

Pwóróusen Pacific Gateway Center

Pacific Gateway Center a ánisi ekkewe esap iir pwúkúpwúkún chón Hawai‘i ren úkúúkún 50 ier. Atun fansoun weires pwan ren áninnisin ekkewe ekkóch pútái me chón awora áninnis, Pacific Gateway Center a tufichin awora chómmóng áninnis ngeni ekkewe mi weires ngeniir fósun Merika. Alapaanó óm sinei ussun pwóróusen ach ofes ikeei.